PUFF.HK 流行食玩樂資訊媒體
積木真係由細路到大人都啱玩，不分年齡性別，甚至可以誇行業添。因為遲吓你部電話都可以變成積木啦!Google又開始搞搞新意思，利用積木嘅形式由你自行設計想要嘅電話。Phonebloks 將會係年底出爐，宜家就同大家先睹為快。
每當新款電話一出現,大家就會從各方面做比較,睇吓邊部電話最實用、功能多、款式靚。但唔同嘅用家當然對電話嘅用途都唔一樣，同一款嘅電話其實並不能滿足到我哋嘅需要。因此，Phonebloks就針對呢個重點，發展出「積木手機」。
可以根據自己對電話嘅要求來配置不同零件，其中最重點特色係用砌積木方式就可以合併成部電話。無論你識唔識電子野都好，你都可以好簡單咁砌出黎。話明點砌都得就即係壞咗其中一個零件，都可以唔洗成部電話換左佢，不單慳番唔少錢，又唔洗煩換機會冇哂啲野，一舉兩得。
用開雲端儲存嘅朋友，可以減少記憶體放其他更需要的配備;
難得放假去親親大自然當然要影番啲靚相，果鏡頭就要用靚啲、記憶體要大啲;
如果係老人家用嘅話，除咗要大聲之外，都要確保電量充足。因為佢哋成日都唔記得叉電，一搵唔到就麻煩啦!
Phonebloks的預設規格：
ü 處理器：Intel Quad Core 4
電池容量：2000mAh
儲存空間：8GB
行動通訊標準：4G
相機：一千兩百萬畫素，Canon鏡頭。
音訊：Bose 4..0
藍牙版本：4.0
重量：130g
當然呢個設計都唔係冇缺點，佢冇宜家嘅電話咁薄，外形上還有更多的改善，但相信會是智能手機發展的新方向。
Comments
Powered by Facebook Comments
