PUFF.HK 流行食玩樂資訊媒體
每逢有新旗艦手機推出，保護殼都會一大堆咁湧出黎，買左iPhone 5、5c同5s嘅你一定好難考慮點選擇啦！今次SwitchEasy就推出左Shades同Melts兩個唔同風格嘅系列，絕對可以成為你優先考慮嘅保護套！
貴氣玩物
首先講吓SwitchEasy Shades先啦，呢個系列好明顯係行高貴路線，機殼用左半透明物料同時帶有漸變色效果，顏色仲有紫色、綠色同灰色揀添！
唔止顏色夠晒獨特，背部位置更特別造成少少孤度，拎上手同其他款比起更好手感同可以拎實啲部機～更加貼心嘅係開關同音量按鈕用左金屬物料製造，令呢個保護套睇落去獨特得黎又更加高貴，鏡頭外圍仲加上黑圈以防反光～仲唔係啱晒夠特別既你？
出位首選
到SwitchEasy Melts啦，要形容呢個系列當然要用夠晒出位黎形容啦，以融化效果配以撞色設計，唔單止層次感極為豐富，就好似金色撞粉紅色咁，夠晒誇張，拎出街一定夠晒搶眼，連正面都有融化效果架！
唔好以為呢個系列得個睇字丫，保護性能上絕對唔會差架，SwitchEasy Melts沿用雙層設計，以堅硬嘅PC同防震物料組合而成，音量按鈕以軟膠包圍，加上機底叉電位同耳機位附有保護蓋，非常之貼心～嘩．．．呢個殼真係越望越立體！
定價: $198 (Melt) / $238 (Shades)
Comments
Powered by Facebook Comments
