PUFF.HK 流行食玩樂資訊媒體
ad-lib延續去年「Pocket Canvas Project」，搵嚟4位本地設計師及插畫家以電影為題，設計出4款Pocket Tee，唔知能唔能夠引起大家嘅共鳴？
ad-lib推出本土設計嘅電影主題插畫Tee，系列一共四件
史提芬周@香港插畫家
人生如戲。周星馳主演嘅《喜劇之王》劇情虛構，卻影射咗佢早期演藝生涯嘅艱苦與奮鬥。喜劇背後，笑中有淚，係一部值得人生學習嘅自傳體電影。
Chingpaper@香港插畫家
對外星人一直有好濃厚嘅情意結，而且「E.T Phone Home」係80後嘅童年回憶。長大後再睇，發覺隨著年齡增長，人好自然會失去咗童年率真嘅性情，繪畫《E.T》係想提醒大家要搵返小時候嗰種會冒險嘅精神，仲有面對考驗時嘅勇氣！
Brainrental@香港設計團體
我哋一向都好鍾意探討同觀察科技與我們日常生活之間嘅關係，所以最初睇到”Her”呢套電影已經好鍾意，或者我哋已經不知不覺同智能手機談戀愛，而呢啲係虛幻抑或係真實感覺，只有自己先知道。
麥東記@香港插畫家
插畫取材自一齣九十年代初嘅港產喜劇，講述三個同居一戶唐樓單位嘅青年，各自對愛情嘅態度和追求，全片浪漫非常。面對生活上嘅抉擇和艱難，有時的確需要一啲浪漫去突破困境。
Comments
Powered by Facebook Comments
