【就開學喇！經典文具你用過幾多款？】

八月中喇！各中小學又就快開學，有無少少懷念細個讀書時嘅日子呢？細個用嘅文具仲有無keep住呀？睇吓以下嘅經典文具你用過幾多款～！

 

中華牌鉛筆，HB鉛筆

無得講，鉛筆真係最經典嘅基本款。有啲鐘意畫畫嘅小朋友仲會有齊一套HB鉛筆！

 

換芯鉛筆

哩種鉛筆實際用起上嚟，係非常唔耐用嘅，但係又唔知點解會屎忽痕隔一排走咗去買…

 

擦膠

細個一定係用哩款擦膠，一開始就擦晒四隻角是常識吧？

 

擦膠筆

擦膠嘅進化版，不過唔係隻隻都好用，有時㩒太多出嚟會好易斷。

 

沙膠

啲大人話沙膠係用嚟擦原子筆，但根本一擦落去就紙都穿，最後個個改用塗改液。

 

塗改液

而家多數係用藍色嗰隻，但紅色才是最經典啊！！！細個用塗改液次次都好考技考，要夠厚遮得住啲錯字，又唔可以太厚等十世都唔乾…

 

改錯帶

因為塗改液嘅使用技巧太高，所以出現咗改錯帶哩樣嘅，一拉就改好，立即寫得。但改錯帶一跌就有可能會玩完，成餅散晒。

 

muji筆

仲有一期啲女同學個個都會儲muji筆，明明好少用某啲色，但儲一大堆靚筆喺筆袋真係有種爽快嘅感覺～

 

機械筆盒

小學雞嘅終極夢幻文具，識彈筆出嚟，又有齊筆刨，溫度計，間尺，日曆，放大鏡，擦膠盒。本世紀十大小學雞發明之一一定有佢份！

Comments

comments

Powered by Facebook Comments