百年擔仔麵度小月尖沙咀開分店！

啱啱去完台灣好唔捨得嗰到嘅美食？唔使愁，因為轉個頭又有得食，台灣百年老店度小月即將登陸尖沙咀LCX，招牌擔仔麵、祖傳肉燥飯、黃金蝦捲……諗起已經令人流晒口水！

度小月由最初嘅擔仔形式做到宜家上晒舖，有成超過120年歷史，唔只台灣有舖頭，分店更多到開設埋喺內地同澳門，等到頸都長，下一站終於嚟到香港，對台灣迷嚟講簡直係天大嘅喜訊！食過度小月嘅人都知，餐廳最出名就係佢哋嘅擔仔麵，祖傳肉燥配上精心熬製嘅蝦湯，味道濃郁而且鮮香十足，令人一試難忘。

除咗擔仔麵之外，仲有好多人氣美食同樣係唔可以錯過，包括肉燥飯、芙蓉炸豆腐、黃金蝦捲、蚵仔酥等等，數之不盡。以後如果掛住台灣嘅味道，只要搵香港度小月，就可以過一過口癮！

度小月尖沙咀分店
地址：尖沙咀海港城LCX
開業日期：待定

comments

PUFF.HK 流行食玩樂資訊媒體