PUFF.HK 流行食玩樂資訊媒體
以後想食到新鮮魚生及海鮮，毋須再特登飛一轉日本，因為香港一樣可以食到每日由東京築地直送的頂級水産，有13年歷史的豊洲水産將於灣仔開設首間直營海鮮丼專門店，講到明是專門店，其他日式餐廳當然無得比。
一般高級日式餐廳大多數都會選址銅鑼灣，豊洲水産海鮮丼専門店亦不例外，揀了近銅鑼灣的地段，方便食開日本菜的朋友，不用四圍騰。正所謂「熟嗰行做嗰行」，豊洲水産一直於築地市場做開批發，有多年經驗，因此今次所開設的海鮮丼専門店，食材質素絕對有保證！
專門店所提供的海鮮丼，由配料以至到每一粒飯都非常講究，海鮮每日從東京築地空運到港，包保樣樣新鮮，而飯則是選用日本山形縣生拔米煮成。選材方面亦都花過心思，以日本鮪魚取代普通吞拿魚，另供應如魚眼、魚頭、魚尾等刁鑽部位，一定很適合嘴刁的你！
豊洲水産海鮮丼専門店
地址：灣仔謝斐道415-421號積福大廈地舖B
營業時間：12:00–15:00；18:00–23:30
Comments
Powered by Facebook Comments
