日本出新「蕉」連皮都食得！

好少人食生果會連皮食，但其實生果皮有好高嘅營養價值。近期，日本就有農場成功培育出可以連皮食嘅新品種香蕉，大家又想唔想試下呢？

呢款咁特別嘅香蕉，名為Mongee Banana，Mongee解作「驚人」嘅意思，由日本農業研究公司D&T研發。

相比起傳統嘅香蕉，佢嘅果皮十分之薄，而且無苦澀味，加上蕉皮營養價值極高，含維生素 B6、鎂及色氨酸，對穩定情緒同改善睡眠質素都有好大嘅幫助，所以最好連埋皮食。

至於味道方面，食過嘅網民就表示果肉甜過一般香蕉，甚至有啲似菠蘿嘅味道。

不過Mongee Banana嘅價錢一啲都唔平，因為每星期只係生產10條，產量有限，每條索價648日圓(約港幣47元)，唔知大家覺得值唔值？

comments

PUFF.HK 流行食玩樂資訊媒體