限定玉桂蘋果湯底！牛涮鍋 X 玉桂狗火鍋派對

嚟緊除咗係聖誕，亦都係玉桂狗15週年嘅大日子，牛涮鍋舉行火鍋派對，推出玉桂蘋果湯底同fans一齊慶祝，仲有限量精品畀大家換領！

為配合主題，全線分店均換上咗可愛嘅Mou Mou君 X 玉桂狗佈置，每一間嘅特色位都唔同，fans們咪淨係掛住食，記得打埋卡呀！

主角係玉桂狗，所以牛涮鍋特別推出玉桂蘋果湯底，夠晒創新，喺濃郁嘅雞湯加入玉桂粉、蘋果片及雪耳，清甜又滋潤，啱晒宜家咁乾燥嘅冬天。另有牛乳湯底揀，湯底充滿陣陣奶香，同牛肉非常之夾，令肉質食落更嫩滑。

兩款都係期間限定，推廣期內惠顧任何放題就可以免費試到，只要選用以上其中一款湯底，即可獲贈MouMouClub X Cinnamoroll postcard一張，以作紀念。

打完邊爐，就到甜品時間！淋上玉桂焦糖糖漿嘅牛乳味軟雪糕，香甜幼滑，同榛子味馬卡龍都係必食。

另外，提提玉桂狗嘅fans，宜家只要幫襯牛涮鍋，就可以預訂多款Mou Mou Club X Cinnamoroll嘅精品，成為會員更可以優惠價或積分換領，數量有限，手快有手慢無！

Comments

comments

Powered by Facebook Comments