遇熱唔融！咩雪糕咁巴閉？

天寒地凍仲食嘜鬼野雪糕吖？係都係去打邊爐啦！嗱！你咁諗就錯晒，邊個話雪糕一定係凍食？有時候日本人諗嘅野真係唔到你唔服，最近當地就研發出一款可以熱食嘅軟雪糕，只要溫度Keep住唔過60°C，都唔洗驚雪糕會融！正呀喂！

夏天食雪糕怕佢融得快，冬天食雪糕又怕佢凍得濟！不過日本人應該好快唔洗再為呢樣野而煩惱，皆因金澤市有間海藻食品研究所，成功鑽研出一款非常襟熱嘅軟雪糕，只要溫度保持喺60°C以下，雪糕都唔會融化，以後夏天出街食雪糕就可以慢慢歎，而冬天亦可以將雪糕加熱之後先至食，咁就唔驚凍親掤牙啦！至於味道同口感方面，就同一般雪糕無嘜大分別，不過唔凍嘅雪糕仲叫唔叫做雪糕呢？

Comments

comments

Powered by Facebook Comments