內外兼備！Plutus系列行李箱

揀喼同揀男朋友一樣，睇樣又要有內涵。Samsonite Black Label新出嘅Plutus系列行李箱完全滿足晒你呢兩個願望，唔單止外型高貴時尚，內部仲設有獨立行李間隔同口袋設計，可以話係內外兼備！

全新登場嘅Plutus系列行李箱，以棱鏡圖案設計而成，擁有高貴大方嘅外型，外層經過精緻嘅處理，加上品牌商標和拉鍊頭採用咗金屬細節，凸顯當中嘅奢華與時尚，分別有黑色、酒紅色及象牙金3種顏色選擇，無論你走型格抑或優雅路線，總有一款襯到你嘅style！

行李箱除咗外型見得人之外，亦都講求實用性。硬身嘅設計，襟撞唔怕拖兩拖就爛，內部夠晒，而且備有獨立行李間隔同口袋設計，加埋所附送嘅鞋袋、衣物袋或衣物掛套，可以幫你有條理咁將衣物同個人物品分開擺，執行李嘅時候就唔使頭都大埋！配埋有認證嘅安全密碼鎖，以後去旅行，就多一重保障！

SBL Plutus價錢由HK$4,290 – HK$5,090不等，於指定Samsonite Black Label及Samsonite門市/專櫃有售。

Comments

comments

Powered by Facebook Comments