置富Malls x LOONEY TUNES新春大派對

今個農曆新年，華納兄弟經典卡通人物賓尼兔，拉埋成班朋友，包括翠兒、阿寶、豬小弟、太菲鴨及大嘴怪，齊齊走均置富旗下各大商場，同大家賀新春。

由宜家起至1月14日，人見人愛嘅賓尼兔，仲有佢班friends，搶先嚟到紅磡置富都會，同大家拜個早年。商場擺放咗一系列嘅立體卡通新年造型公仔，表情趣怪百厭，難得咁齊人，fans又點可以錯過呢個集郵嘅好機會？

至於商場嘅另一邊，亦都換上咗新春佈置，大家可以企喺祈福廟前許個願，又或者擊打吉祥太鼓，拎返個好意頭。

LOONEY TUNES除咗會出現喺紅磡置富都會之外，2018年1月18日 – 3月5日期間，置富旗下嘅其他商場，包括置富嘉湖、置富第一城、馬鞍山廣場、都會駅、麗港城商場、麗城薈、映灣薈、銀禧薈及荃薈，一樣可以搵到賓尼兔、翠兒等蹤影。

提提咁多位賓尼兔fans，由1月20日起，只要喺指定商場內消費滿HK$800，即可換領「LOONEY TUNES限量版湯杯」乙隻；由2月3日起，消費滿HK$900更可換領「LOONEY TUNES限量版多用途袋」乙個。數量有限，換完即止，手快有手慢無。

Comments

comments

Powered by Facebook Comments