布藝花鳥風車園 新一年轉出好運

今年唔少商場都以「中西合壁」作為新春佈置嘅主題，其中就有太古城中心呈獻嘅「布藝花鳥風車園」，園內嘅風車及雀鳥，皆用上Vivienne Westwood、Valentino等國際品牌都大愛嘅英倫Harris Tweed布料設計而成，以破格現代嘅手法將中式傳統重新包裝起嚟。

即日起至2月14號期間，太古城中心為大家帶嚟「布藝花鳥風車園」，喺二樓中庭佈置咗個近6米高嘅巨型新春花籃，花籃四周有大大小小嘅雀鳥及傳統花卉造型風車作為裝飾，由以優質靚料見稱嘅英倫Harris Tweed布料打造而成，大玩品牌經典嘅粗花及格紋織布圖案。多個大型風車花更會連續轉動，寓意好運連連，遊人亦可親手轉動風車，為自己新一年轉嚟好運。

另外，商場仲特設「幸福風車祝願」互動體驗區，透過3D Mapping技術，訪客可以免費喺電子屏幕上揀選喜愛嘅Harris Tweed格紋織布，再加上唔同國家語言嘅祝福字句及賀年圖案，製成充滿個人特色嘅新春祝賀，並即時呈現喺現場嘅大型花風車上，同時亦可以利用手機掃描QR code，將祝願分享埋畀親朋戚友，等佢哋都可以感受到新年氣氛。

喺指定日子裡面，太古城中心更會推出手工布藝工作坊，由專業導師教授訪客縫製小禮物，包括小風車、散銀包或索袋，憑消費滿HK$500即可參加。

「布藝花鳥風車園」
日期：1月13日至2月14日
地點：太古城中心2 樓中庭和中橋

「幸福風車祝願」互動體驗區
日期：1月13日至2月14日
時間：星期一至五: 中午12時至晚上9時半
週末及公眾假期: 上午11時至晚上9時半
地點：太古城中心2 樓中橋

「快樂盛放」工作坊
日期：1月19日至2月12日 (指定日子)
時間：指定星期三、四、五:  晚上6時半至7時半
指定星期六、日:  下午3時半至4時半、下午5時半至6時半
地點：太古城中心2 樓中橋
參加條件：於1月13日起至2月12日期間於場內商戶憑電子消費以單一分發票滿港幣500元，即可參加工作坊。

Comments

comments

Powered by Facebook Comments