繼透明咖啡之後…又有透明檸檬紅茶！

最近似乎好興將啲飲品變晒做透明！英國有透明咖啡，近排就連日本亦都新出咗一款透明檸檬紅茶，睇落同清水無嘜分別，雖然唔知味道係點，但就好成功引起咗話題。

鍾意飲茶多過飲水，但又怕有牙漬嘅你，不妨試吓日本SUNTORY推出嘅透明檸檬紅茶，成份主要都係紅茶同一啲檸檬萃取物，而最特別只係茶嘅顏色變咗做透明，唔講嘅話，齋睇個包裝，真係會以為係一枝好普通嘅礦泉水。

呢款飲品推出咗之後，唔少人見佢咁有趣，都即刻買咗嚟試吓，飲過嘅人都覺得味道唔錯，有檸檬味，飲落好清爽，但就唔多似飲緊紅茶，似飲檸檬水多啲。不過計我話，好唔好味都係其次，有得呃Like先至最重要！

Comments

comments

Powered by Facebook Comments