iPhone專屬Jackpen原子筆臨急應變好幫手！

日常生活中，好多時突然要用到筆，例如突然要記底啲好重要嘅事、要寫底啲忽然諗起嘅野、仲有可能見到明星攞簽名都要用到筆！而你又有冇試過出街果陣好需要一支筆，又唔想左借右借呢？冇問題！Jackpen嘅iPhone專用原子筆就幫到你啦！

救急好幫手！

基於而家好多人出街永遠都係手機不離手，英國男子Andrew Jewson都成日遇到呢個問題，又想搵個方法解決成日搵唔到筆用，所以就發明左呢支長度只有20mm嘅小型原子筆 – Jackpen！呢支筆得意之處在於需要用果陣直接插係iPhone嘅耳機孔到就得，而唔用嘅時間就可以調番轉變成防塵塞，一物二用之餘又唔怕支筆唔小心畫到啲唔應該畫既野同吉親人啦！