特務戒指 —電話響點會唔知？

 

大家機不離手嘅原因除了娛樂之外，亦都會利用多咗電話處理工作上嘅野，所以成日怕聽漏睇漏一個半個電話或訊息。為了令大家都更容易知道電話響，我哋上次就介紹咗喺公司、屋企點樣可以「嗅」到電話響(http://puff.hk/?p=4209#more-4209)，但出到街又點呢？如果唔想成日心掛掛喺個手袋/褲袋入面搵電話，不如帶番隻戒指先！

 

 

 

 

 

 

 

 

 

 

 

 

 

相信絕大部份女仔都喜歡佩戴唔同嘅飾物喺手同頸上面，Ringly就將科技融入呢啲飾物當中。即將發售嘅產品係一隻可以連接智能電話嘅寶石戒指。如果你以為呢隻戒子係玩具，咁就大錯特錯喇，因為Ringly用咗18k黃金、寶石、半寶石鑄造而成，係真真正正嘅珠寶首飾嚟架！

 

 

但究竟點樣先可以將戒指同電話連接？連接咗又有咩用途呢？宜家話你知啦！其實係喺咁大隻戒指入面留有一個小小嘅空間，放置咗一塊微型電子裝置，每當有來電、訊息、電郵、或任何通知，呢隻戒指都會通過震動及旁邊發光的小燈效話你知。

 

 

 

 

 

 

 

大家可利用智能電話內Ringly專用應用程式來設定各種訊息燈效和震動模式，有四種震動模式及五種顏色燈效（紅、橙、藍、綠、紫），可以配合番不同類型嘅通知；就算忙緊或者電話唔喺手，都可以即時知道有人打比你定係wtsapp你，然後先再決定拎唔拎電話出嚟睇。如果你等緊某某電話，可以通過Ringly嘅應用程式設定他/她的來電為特別震動和閃燈模式，即時區分到來電係唔係你等緊嘅人。

 

 

 

 

 

 

 

 

 

對各位女士們嚟講，又多咗一個明正言順嘅理由添置新飾物，既前衛又時尚，而且仲有啲特務feel添！小編深信，戴咗呢隻戒子就唔洗再怕miss out伴侶/老細嘅重要電話同訊息啦，所以話，Ringly絕對係你個情場&職場小秘書！呢隻SmartRing可以支援到iOS同Android大部份電話，而每隻呎寸暫時只有US 6/7/8，每件預售$195美元起！

 

REF: https://ringly.com/

Comments

comments

Powered by Facebook Comments