熊本熊期間限定店 買唔停手！

熊本熊fans又要跌錢喇！以Kumamon為題嘅期間限定店已經登陸咗旺角家樂坊，大量萌爆精品等住你嚟搶，真係定力少啲都唔掂！

由即日至8月31日，雅蘭中心、荷李活商業中心及家樂坊以「『熊』の夏日祭」為主題，舉行一連串活動，驚喜送不停。矚目登場嘅有熊本熊期間限定店，店內出售多款熊本熊限定精品，包括日版手工木椅、熊本帆布棉散銀包、日版「熊」式口罩、至「熊」潮服及木柄手挽袋等，產品花多眼亂，Fans們係咪心大心細，唔知買邊款好？一於掃晒佢哋返屋企啦！

Pop-up Store唔單止滿足一眾粉絲嘅購物慾，更為大家送上即製雞腿扒／豚肉熊掌包、「熊」型夏日水果茶等主題食品，連肚皮都照顧埋。而主角Kumamon亦從日本遠道而嚟，換上一身傳統山鹿燈籠祭浴衣，以可愛造型喺門外恭迎大家。

活動期間，只要喺雅蘭中心、荷李活商業中心或家樂坊以電子貨幣消費滿指定金額，即可換領人氣電話保護殼或熊本熊散銀包，並可參加大抽獎，有機會贏得熊本縣旅遊機票連酒店住宿及其他豐富禮品。另外，透過「Finding Kumamon」互動遊戲手機App，喺上述商場成功捕獲Kumamon，並於Pop-up Store以正價消費滿HK$200，更可獲贈限量版『熊』型鎖匙扣或熊本熊絲質絹扇乙份。

Kumamon Pop-up Store
日期：即日起至8月31日
時間：中午12時至晚上10時
地點：旺角家樂坊地下

Comments

comments

Powered by Facebook Comments