STYLISH

GU出刺繡items 跟Super Girls打造夏日潮look!

想打扮得潮啲?唔一定要搞到咁複雜,今季GU就推出咗一系列刺繡款式嘅上衣,仲有夏天必備嘅闊腳褲同喱士吊帶裙,簡單又易襯,一齊去睇吓Super Girls點樣將呢啲items拼上身啦! Read More »

林奕匡型格演繹最新一季Levi’s Eyewear

Levi’s X林奕匡可以有咩搞作?日前,位於新港中心嘅Levi’s Eyewear Pop-up Store正式開幕,當日更搵嚟人氣歌手林奕匡(Phil)主持揭幕,並且示範多款至潮至型嘅新款Levi’s眼鏡,平時斯斯文文嘅阿Phil戴起太陽眼鏡上嚟,原來都幾有型有款! Read More »

名牌「踩屎鞋」 名人明星個個爭住著!

假如你對靚靚波鞋一買返去就發現,鞋上面竟然有屎!你會點做? 正常反應梗係狗衝抺咗佢,何況而家波鞋潮流越炒越熱,個價越炒越貴。 唔少人買咗返去都唔捨得著,驚整污糟,影響收藏價值。唔好講話屎,塵都唔想有一粒啦。 但係復古潮牌Golden Goose就偏偏相反,對對自帶污蹟,要有咁舊得咁舊,直頭踩屎咁! 直頭放喺屋企門口都唔使驚有人偷! 以為對鞋污糟就會好平?咁就錯晒,圖中宋仲基著緊哩對Golden Goose Deluxe Brand Super Star系列款式,一對盛惠$3000,仲要男裝己經無貨啦。 你可能心諗,想對鞋污糟容乜易,做乜要俾錢買?當然有原因啦,跟根據Golden Goose嘅發言人Flaminia D’Onofrio話,佢地嘅波鞋好多都係用意大利最好嘅皮做,確保一定著得舒服。而鞋上面嘅「屎」並唔係真嘅屎,而係全部由威尼斯嘅工匠人手加工落去,所以對對都係獨一無二㗎! 除咗上面宋仲基,仲有好多中外明星係佢fans。 左起: Avril Lavigne,Jude Law,林允兒,王菲,金秀賢 就咁睇落,Golden Goose會有少少Converse嘅影子。因為佢地最暢銷嘅super star系列,鞋身都有粒星星喺度。但係仔細睇,佢地嘅星星全部都係大大粒,同埋通常都係無咁隻角。同Converse嘅星星好大分別。仲有就係粒星星嘅材質有牛皮,有麂皮,有啲好似天星小輪啲椅咁,係一個個洞組成。 Read More »

陳偉霆成Reebok Classic大中華代言

今早Reebok正式響其官方微博上公布藝人陳偉霆,將擔任 Reebok Classic 大中華區品牌既全新代言人。以我所知今年初Reebok已經簽左了吳磊、袁姍姍和王德順三位演員成為旗下運動健身系列運動的代言人,官方表示陳偉霆迅速躥紅,亦有佢對潮流與衣著的獨特見解,成爲街頭與時尚界獨樹一幟既引領者。 Reebok話陳偉霆早已將Reebok成為了他日常生活穿搭必備,2017年初大熱的Reebok Pump Supreme就曾出現在陳偉霆的社交網路照片中,他還身著Reebok FuryLite現身機場等。而即將在5月上市的經典系列AZTEC, ZOKU, FURYLITE SLIPON等潮鞋就會交俾陳偉霆演繹,話會「燃爆潮鞋圈」。而陳偉霆亦開心地咁講:「非常高興可以加入Reebok這個大家庭,一直以來我自己都很喜歡Reebok的產品,希望大家可以和我一起加入Reebok Classic,一起潮爆街頭」。老老豆豆,得到偉霆既加持,等我拎返櫃底對Reebok出來,可能有得炒下。 Read More »

又一奇特設計!日本corset絲襪

Fashion嘅嘢各花入各眼!尤其日本人嘅設計,有時真係會令人摸不著頭腦。就好似接落嚟要介紹嘅corset絲襪,有人覺得佢性感,但亦都有人可能嫌佢重口味! Read More »

Fans夢寐以求!多啦A夢限量波鞋

多啦A夢Fans請做定心理準備,以下落嚟介紹嘅嘢保證會令你哋尖叫!早前Packer聯乘atmos 同Reebok推出多啦A夢別注版波鞋,造型可愛,絕對係你哋夢寐以求嘅收藏品之一! Read More »

內外兼備!Plutus系列行李箱

揀喼同揀男朋友一樣,睇樣又要有內涵。Samsonite Black Label新出嘅Plutus系列行李箱完全滿足晒你呢兩個願望,唔單止外型高貴時尚,內部仲設有獨立行李間隔同口袋設計,可以話係內外兼備! Read More »

粉系少女大愛!Fossil情人節禮盒

今個情人節,Fossil為一眾可人兒特意推出情人節閃亮粉色禮盒裝,獻上Fossil Jacqueline玫瑰金配粉色皮革腕錶,以及兩對閃耀奪目嘅粉紅耳環,讓大家每分每秒都陷入甜蜜戀愛嘅氣氛之中。 Read More »

情人節禮物親手做!推介5大必送小手作

唔夠半個月就到情人節,諗送咩諗到頭都大埋?不如親手製作有心思嘅小禮物,送份驚喜畀另一半。小編為大家精選咗五款非常有特色嘅小手作,情人收到一定覺得你好誠意! Read More »

賀年利是封大集合!邊款最潮?最講究?

新年最緊要利利是是,有利是收大家就最開心!近期,各大商場已經陸續推出自家設計嘅利是封,小編搜羅咗當中幾款,同大家比併一吓,睇吓邊款最靚、最值得換! Read More »